「教練我來到 gym 知道我要做 cardio (帶氧運動), 減肥才能減得快D, 除了要做頗長嘅時間之外, 我真係覺得好鬼死悶囉! 點算呀!」

問得好, 知道運動就一定要做, 就請諗吓有乜方法可以令自己做! 而唔係找借口唔做。帶氧運動除咗可有助減肥更可以增強心臟機能, 所以一定要做。我本來都好僧做 cardio exercise, 我一向只享受負重運動 (weight training) 所帶來嘅快樂及肌肉 toning 後出現嘅線條美感。這當然唔好啦, 從另一角度, 這就等同一個 mono-dieter (偏食者) 一樣得不到 balance。運動也要 balance 身型及健康才會有長遠嘅 好處!

本人在一次偶然借了gym嘅台劇(花樣少男少女) 一路看一路做cardio, 嘩我好容易就做完1個鐘運動, 之後嘅事大家都可以想像到啦, 係…我從此就日日晨早返 gym 借 CD 後就上機做做做, 睇完整套劇後就非常失落 不知點算好。有可愛學生仔擔心我無劇煲, 所以便找來大量劇集給我。

Yup就這樣我便習慣每日除咗做我嘅最愛 weight training 外再做 cardio! 我嘅可愛學生仔 Vicky 更幫我買了一部小形電視機仔, 佢重供應我日韓劇呢, 無錯真係星級服務及享受! 真係要再三多謝我嘅 Vicky 呀。我現在真係非常 enjoy 做 cardio 。

我呢個親身體驗其實比大家作參考, 你如果唔 like 日韓劇, 你可以找其它你想睇嘅嘢睇或做, 咁你就會 enjoy 咁連續做一個鍾 cardio, 我有個學生仔話聽聖經都可令佢好 enjoy 咁做成個鐘 cardio。

如果唔鍾意做機嘅話, 你可以參加D跳舞班或者玩Kick boxing 都係有帶氧效果。比錢 join gym 係唔會自動瘦或 fit, 大家一定要去做多D運 動才可望有效果。如果你話無嘢可做其實係excuse,立即就找你嘅方法啦!

 我自已最愛做３種 cardio machine 如下:

# 1 – 單車機 ; # 2 – 太空慢步機 ; # 3 - 跑步機

大家不如立即就找個方法令自已 kick start 做 cardio 啦!