Merry X’mas & Happy New Year 呀! 大家嘅心情一定好好，唔知你哋乖唔乖呢, 有冇用吓我提嘅方法呢? Anyway希望你哋玩得開心而且靚住咁過新年, 咁快又到2010年, 唔知有幾多人會有習慣定吓新年大計呢?

我從來都無做什麼新年大計, 因為我一向都係一知道自已須要做乜就立即行動 嘅人, 好似十幾年前我想減肥於是便好快開始做運動同看書及上網找相關嘅資料, 之後我想做健身教練,於是我一路做我嘅 Fashion PR marketing嘅工作一路讀書, 當我一 ready 轉行便立即找 friends 問有冇好公司可以 start my new career, 本人一向都係一想做就立即衝呀! 對於我來講 plan 吓 plan 吓就會令我想得太多而浪費咗時間。

我知每個人都唔同, 所以如果你鐘意 planning 嘅話, 唔知你有冇 plan 於來年你可以點做而令你同你嘅家人都健康D, 因為係最親嘅人所以都會想大家身體健康。其實大家都想, 只係唔知點解當其中有家庭成員話想減肥, 食少 D嘅或食得清D就有其餘成員「玩」嘢! 成日引誘有關嘅成員或 friend! 所以我覺得最好嘅方法是令整個家庭嘅成員都一齊食得健康, 又約埋一齊做運動。講真, 咁樣可以鼓勵大家之餘又可防止有人作出魔鬼行為呀 嘛!

我有兩對 couples 學生都係由 another half 〝逼〞來跟我做運動。其中一對係 美藉亞洲夫婦，男學生因為他嘅老婆身體唔好(非常瘦弱), 所以逼她來見我, 後來她由唔鍾意做運動變成鍾意, 雖然她都重係瘦,但身體就明顯强壯好多, 因為她同我講話自從跟我做運動後就小咗病痛呢!

另一對就重可愛，我學生 Winnie 嘅老公仔從來都唔做運動, Winnie 為了他嘅身體健康及外型着想而勁多次 suggest 他做運動, 但都不成功, 後來漸漸見到老婆仔 fit 咗後,也都被可愛 Winnie 半逼狀態下來見我及跟我做運動。到現在都 train 咗幾個月, 他嘅身型明顯好咗好多,整個人 firm 咗,肚肚扁咗好多, 連個樣都後生咗呢! 事實上有 regular 運動嘅人會一定比較注意飲食, 作息也會較之前正常, 一樣好嘅習慣接另一樣好嘅習慣, 互相有着正面嘅影响,呢 D咪就係好嘅 cycle 囉!

祝大家係來年有個健康又 fit 嘅 body!

queeneco.com simple fitness tips