Christmas及新年過後大家都自然脹咗, 情人節及農曆新年又快到，今次就講吓點樣盡快修一修身,  到時當然又再有好多嘅食嘢聚會, 唔得了。立即介紹D好嘅零食等大家可減磅之餘又不會太餓, 我都講過少食多餐反而會容易減肥, 而snack亦限制在100-150卡路里內。

很多人聽到零食, 都會諗起朱古力、曲奇餅、蛋糕等等。 而且不同需要/不同情况, 要作出不同進食snack的方法, 睇吓下例4類情況, 請自己對號入座。

1. 食唔停口型

選擇: 蔬果

不懂節制的人選snacks要好小心, 否則容易食過量, 所以必選低卡食物, 如車厘茄、士多啤梨等。高纖高水份低卡為你帶來口腹滿足感。但講到底都要改變一下你嘅飲食習慣。

2. 快速充電型

選擇: 蔬果汁

香港人工作忙、食無定時, 開會前後,精神緊張需要急補能量, 必定想食甜嘢, 最好選杯新鮮蔬果汁。它但可給你快沖電, 又有豐富維他命C及可抗氧化。

3. 心癮為食型

選擇: 果實、種子或沙律

好多時根本不餓都想吃東西, 最好選些不方便吃嘅snack如瓜子和沙律等。 瓜子有豐富維他命E, 脂肪比果仁少, 記得買有殼, 咁致耐吃呀! 有殼栗子也是另一個好選擇。而做沙律都十分費時, 洗、切、攪、拌後你的食慾可能經已減半, 即使仍有胃口也無妨, 反正都係健康食物, 只要記注唔好落 cream sauces 就 ok!

4. 真係肚餓型

選擇: 花生醬＋裸麥包、水果

水果其實都係最好嘅選擇, 但係如真係想食D有「質量」嘅嘢, 可試 multigrain餅或麵包, 如怕其粗糙冇味可加D花生醬。花生醬卡路里和脂肪都高, 但吃少量其實有益且增飽肚感。

大家睇完後都好開心係咪呢? 少食多餐係件賞心樂事, 利口又利腹, 但食之餘一定要做吓運動, 運動是長遠減肥修身最健康嘅基礎。

queeneco.com  simple fitness tips